萱靈居

　　平安夜嘅前一晚，冇想像中咁sweet，但依然覺得好warm。喺佢哋兩人嘅面上，睇到久違嘅笑容，冇嗌交，冇爭吵，冇傷痛，留低嘅只係幸福、快樂。意外嘅二人世界，雖然只得短短一晚啫，但已經足夠哂。過咗今晚，也許佢哋就會返轉去從前，條路仲長，而且仲好辛苦，好艱難。或者佢哋同埋我哋都要繼續痛苦，但無論點都好，佢哋都會照住自己嘅方式咁繼續行落去，直至搵到幸福，行埋一起添。我哋可以做得嘅，就係繼續咁撐埋佢哋，一路伴住佢哋行到盡…… 

　　親愛嘅賞...

　　雖然……家姐話年紀越大對於過生日就越敏感，但係叻……生日喎，點可以唔過叻？人生係向前嘅嘛，既然避唔到，咁就開開心心嘅接受咯~~起碼過生日又有蛋糕食，又有禮物可以收，都唔錯嘅係咪？嘿嘿~~

　　生日快樂！希望家姐永遠都咁靚女咁Young！仲要天天都開心，平平安安！最緊要就係身體健康，冇病冇痛！

　　希望家姐喜歡我送嘅禮物仔~~錫一啖先！

　　好夜個啵，瞓緊先~~Ha...

　　今晚真係好激動添，到而家仲未能平復，都唔知要講D乜嘢……總之就真嘅恭喜哂祥仔同埋雯女啫！恭喜你哋奪得視帝視后！恭喜哂恭喜哂！

　　TVB今次總算都順應民意啫，將呢個獎頒哂畀雯女。不過都唔知係咪有心嘅，嗰五強竟然要喺現場度先至公佈添！仲有吖，嗰最喜歡嘅女角色竟然會畀楊怡！唉，其實係人都知TVB想捧楊怡出街嘎喇，使乜咁刻意啫？明明嗰姚金玲嘅票數就敵唔過四奶奶嘅呀嘛，要攞獎都唔會係佢啫，梗喺畀四奶奶喇！不過好彩最佳女主角有預埋雯女喎！雖然早牌公佈嘅...

　　聽日就係萬千星輝嘅頒獎禮了喎！今年祥仔同埋雯女嘅呼聲都好高個喎~~嗰兩個女人雖然有高層力捧，但佢哋差雯女都唔止一大截個啵！冇話係雯女喇，佢哋就連毛毛都追唔到！個視后就算唔係雯女做，也都要畀毛毛先啱啫！佢倆個想要攞獎？下一年講先喇！TVB你試嚇唔頒呢個視帝視后畀祥仔同埋雯女或者毛毛添！如果你哋真嘅夠膽唔順應民意啫，咁以後都冇人會再睇TVB嘎喇！加油祥仔！加油雯女！加油毛毛！力撐你哋吖！

　　世事難料……

　　由收到呢單消息嗰一刻開始，到而家已經過咗成一個星期喇，但係我依然唔敢相信呢件事係真嘅。嗰日下晝同班姊妹傾計嘅時仲傾埋佢，點知不過短短兩個鐘，竟然就聽到佢已經過身嘅消息。初初仲以為姊妹傾緊劇情，但佢就話唔係劇情，係真實嘅。嗰一刻我真係有種“晴天霹靂”嘅感覺，我諗唔出冇咗個大閆生嘅《畢打》，從今後會變成點樣。本來以為《畢打》可以有一個大團圓D結局，點知……呢個夢想竟然會成為永遠...